Nýr upplýsingavefur um orkuskipti

Landsvirkjun, Samtök iðnaðarins, Samorka og Efla opnuðu í dag nýjan upplýsingavef um orkuskipti. Vefurinn var formlega kynntur til sögunnar á fundi sem haldinn var fyrir fullum sal í Kaldalóni í Hörpu.

Lovísa Arnardóttir, fundarstjóri og upplýsingafulltrúi Samorku, ræðir orkuskiptin við Kristínu Lindu Árnadóttur, aðstoðarforstjóra Landsvirkjunar og Sigurð Hannesson, framkvæmdastjóra SI

Á vefnum er að finna aðgengilegar upplýsingar um orkunotkun, orkuskipti og efnahagslegan ávinning Íslands af orkuskiptum. Einnig var kynnt á fundinum ný greining Eflu um efnahagsleg áhrif orkuskipta næstu áratugi.

Guðlaugur Þór Þórðarson, umhverfis-, orku- og loftslagsráðherra ávarpar fundinn

Guðlaugur Þór Þórðarson umhverfis-, orku- og loftslagsráðherra hélt ávarp en auk hans tóku til máls Kristín Linda Árnadóttir, aðstoðarforstjóri Landsvirkjunar, Sigurður Hannesson, framkvæmdastjóri SI, Sigríður Mogensen, sviðsstjóri iðnaðar- og hugverkasviðs SI, Haukur Ásberg Hilmarsson, hagfræðingur EFLU, og Páll Erland, framkvæmdastjóri Samorku.

Niðurstöður greiningar EFLU um efnahagsleg áhrif orkuskipta