Beint í efniLandsvirkjun

Styrkir og sjóðir

Um sjóði Landsvirkjunar

Samfélagssjóðurinn okkar hefur það hlutverk að styðja við verkefni sem hafa breiða samfélagslega skírskotun og möguleika á því að hafa jákvæð áhrif á íslenskt samfélag.

Við rekum einnig Orkurannsóknasjóð sem hefur það hlutverk að veita styrki til námsmanna og rannsóknarverkefna á vegum háskóla, stofnana, fyrirtækja og einstaklinga á sviði orkurannsókna.

Þriðji sjóðurinn okkar er Margar hendur vinna létt verk. Þar styrkjum við vel skilgreind verkefni sem hlúa að umhverfi og samfélagi í nágrenni aflstöðva Landsvirkjunar, með vinnuframlagi sumarvinnuhópa ungmenna og verkstjórn.

Einnig er hægt að senda okkur almenna umsókn um styrk á formi styrktarlínu eða birtingar myndmerkis.

  • Samfélagssjóður

    Samfélagssjóður styrkir verkefni á sviði umhverfis-, náttúru- og auðlindamála, verkefni á vegum mannúðarsamtaka og líknarfélaga, forvarna- og æskulýðsstarf, sem og verkefni á sviði lista, menningar og menntunar, heilsu og hreyfingar. Við horfum til verkefna sem geta haft jákvæð áhrif á íslenskt samfélag með áherslu á nærsamfélög aflstöðva.

    Skoða Samfélagssjóð

  • Almenn styrkumsókn fyrir lógó og styrktarlínur

    Hér getur þú sent okkur beiðni um þátttöku í styrktarlínu eða birtingu myndmerkis. Allar beiðnir þurfa að berast hér. Ekki er tekið við beiðnum eða umsóknum í síma eða tölvupósti.

    Skoða umsókn

  • Orkurannsóknasjóður

    Orkurannsóknasjóður styrkir almenn rannsóknarverkefni á sviði umhverfis-, orku- og loftslagsmála, þar á meðal rannsóknir á orkuskiptum, orkusparnaði og minnkun losunar í samgöngum og iðnaði, svo og gerð fræðsluefnis. Með sjóðnum viljum við gera fjárframlög Landsvirkjunar til rannsókna skilvirkari og sýnilegri og um leið tryggja að þær rannsóknir sem sjóðurinn styrkir samrýmist loftslags- og umhverfisstefnu Landsvirkjunar.

    Skoða Orkurannsóknasjóð

  • Margar hendur vinna létt verk

    Landsvirkjun hefur um áratugaskeið starfrækt öfluga sumarvinnuflokka ungs fólks. Hóparnir okkar sinna fjölbreyttum verkefnum í nágrenni við starfsstöðvar Landsvirkjunar. Góð verkefni í þágu umhverfisins geta sótt um vinnuframlag frá hópunum okkar og verkstjórn.

    Skoða Margar hendur vinna létt verk