Álverið á Reyðarfirði er stærsta álver Íslands og framleiðir 346.000 tonn. Álverið er einnig nýjasta álverið af þremur hér á landi en starfsemi þess hófst árið 2007. Landsvirkjun veitir álverinu alla þá orku sem það nýtir.

Álverið á Grundartanga hóf starfsemi sína árið 1998 með 60.000 tonna framleiðslu. Núverandi framleiðslugeta álversins er 312.000 tonn. Landsvirkjun sér álverinu nú fyrir u.þ.b. 1/3 af þeirri orku sem nýtt er.

Álverið í Straumsvík í Hafnarfirði hóf starfsemi árið 1969 og framleiddi þá einungis 33.000 tonn af áli. Frá þeim tíma hefur framleiðslugeta álversins verið aukin nokkrum sinnum. Árið 2010 var rafmagnssamningur við álverið endurnýjaður og síðan hefur álverið aukið framleiðslu sína í um 211.000 tonn árlega. Landsvirkjun tryggir álverinu allt það rafmagn sem það nýtir.

Kísiljárnsmiðjan á Grundartanga hóf rekstur árið 1979 og framleiddi 60.000 tonn af járnblendi árlega á fyrstu árum sínum. Framleiðslugeta kísiljárnsmiðjunnar hefur nokkrum sinnum verið aukin frá þeim tíma en nú eru þar framleidd 120.000 tonn af járnblendi og er stór hluti þess sérvara. Landsvirkjun sér fyrir allri raforku sem nýtt er til framleiðslunnar.

PCC BakkiSilicon hóf rekstur á kísilmálmverksmiðju á Bakka við Húsavík á árinu 2018. Verksmiðjan framleiðir um 33.000 tonn af kísilmálmi. Landsvirkjun sér kísilmálmverksmiðjunni fyrir öllu því rafmagni sem hún nýtir.

Gagnaver Verne Global er hið fyrsta sinnar tegundar á Íslandi og hóf starfsemi árið 2010. Viðskiptavinir Verne Global eru stór alþjóðleg fyrirtæki og stofnanir á sviði loftslagsrannsókna, fjármálaútreikninga, árekstraprófana og erfða- og líftækni. Landsvirkjun tryggir gagnaverinu, sem er í Reykjanesbæ, allt það rafmagn sem það nýtir.

Reykjavík DC er hátæknigagnaver stofnað af Opnum kerfum, Sýn, Reiknistofu bankanna og Korputorgs og hóf rekstur árið 2020. Gagnaverið er er nú í eigu Borealis Data Center og er því þriðja gagnaver í rekstri þeirra. 

AtNorth hóf starfsemi árið 2014 og er stærsta gagnaverið á Íslandi. Fyrirtækið býður uppá fjölbreytta gagnaversþjónustu, m.a. aðgang að ofurtölvu-reikniafli í skýinu. Starfsemi fyrirtækisins fer fram í Hafnarfirði, Reykjanesbæ og Akureyri. Landsvirkjun veitir gagnaverum AtNorth hluta af því rafmagni sem það nýtir.

Borealis Data Center rekur gagnaver á þremur stöðum á Íslandi, Blönduósi, Fitjum og í Reykjavík auk þess að reka jafnframt gagnaver í Finnlandi. Umsvif Borealis hafa aukist hratt hér á landi undanfarin misseri og er fyrirhuguð frekari uppbyggingu til að hýsa margvísleg verkefni á sviði hátækniiðnaðar, gervigreindar og ofurtölva, bæði á Blönduósi og í Reykjavík.

First Water er nýsköpunarfyrirtæki í Þorlákshöfn sem einbeitir sér að fulleldi lax á landi. Starfsemin er enn í uppbyggingu en Landsvirkjun og First Water hafa samið um sölu og kaup á raforku til að mæta framtíðarþörf fyrirtækisins.

Becromal breytti nafni sínu í TDK Foil Iceland á árinu 2018. Fyrirtækið hóf starfsemi á Akureyri árið 2008 og framleiðir aflþynnur fyrir þétta í rafeindabúnað. Landsvirkjun tryggir verksmiðjunni alla þá raforku sem þarf í framleiðsluna.

Atlantsorka ehf., dótturfélag Atlantsolíu ehf. var stofnað árið 2022 og selur rafmagn til heimila og fyrirtækja um allt land.

Fallorka kaupir og selur raforku um allt land ásamt því að byggja virkjanir til raforkuframleiðslu.

HS Orka selur rafmagn til heimila og fyrirtækja um allt land.

Landsnet hf. var stofnað á grundvelli raforkulaga sem samþykkt voru á Alþingi á vormánuðum 2003. Hlutverk fyrirtækisins er að annast flutning raforku og stjórnun raforkukerfisins.

N1 Rafmagn var stofnað árið 2017 og hét Íslensk orkumiðlun til ársins 2021. N1 Rafmagn selur rafmagn til heimila og fyrirtækja um allt land.

Orka heimilanna hóf starfsemi í ársbyrjun 2018 og selur rafmagn til heimila og fyrirtækja um allt land.

Orka náttúrunnar er veitu- og þjónustufyrirtæki og er dótturfélag Orkuveitu Reykjavíkur (OR) sem tók við framleiðslu og sölu á rafmagni OR 1. janúar 2014. Orka náttúrunnar framleiðir og selur rafmagn til heimila og fyrirtækja um allt land.

Orkubú Vestfjarða hf. tók til starfa 1. júlí 2001 og er stofnað á grundvelli laga er samþykkt voru af Alþingi sama ár. Orkubú Vestfjarða hf. kaupir og selur raforku um allt land ásamt því að annast raforkuframleiðslu.

Orkusalan var stofnuð í mars 2006 en formleg starfsemi hennar hófst í febrúar 2007. Orkusalan er dótturfyrirtæki RARIK og er tilgangur þess fyrst og fremst að sjá um framleiðslu, kaup og sölu á raforku í smásölu.

Straumlind ehf. var stofnað árið 2020 og selur rafmagn til heimila og fyrirtækja um allt land.

Landsvirkjun selur tæplega 85% af orkuvinnslu sinni til orkutengdra iðngreina en rúmlega 15% orkunnar er seld á heildsölumarkað og inn á kerfi Landsnets. Landsvirkjun stendur frammi fyrir fjölbreyttum tækifærum bæði hvað varðar nýjar vörur og sókn á nýja markaði, til dæmis á sviði landeldis og gagnavera.

Landsvirkjun selur tæplega 85% af orkuvinnslu sinni til orkufreks iðnaðar en rúmlega 15% orkunnar er seld á heildsölumarkað og inn á kerfi Landsnets. 

Orka

Viðskipti

Fjármál

Umhverfi

Samfélag

Fyrirtækið

Fjölmiðlatorg

Viðskiptavinir Landsvirkjunar

Sýna