Við starfrækjum fjórtán vatnsaflsstöðvar, þrjár jarðvarmastöðvar og tvær vindmyllur á fimm starfssvæðum víðs vegar um landið. Við rekstur aflstöðva er lögð áhersla á heildræna sýn þar sem ráðdeild, áreiðanleiki og sambýli starfseminnar við umhverfi og samfélag eru höfð að leiðarljósi.

Blöndustöð var gangsett haustið 1991 og er staðsett á Norðvesturlandi.

Búðarhálsstöð var gangsett 7. mars 2014 og er ein af sjö vatnsaflsstöðvunum okkar á Þjórsársvæðinu. Hún stendur vestan við svonefndan Búðarháls.

Búrfellsstöð var gangsett 16. september 1969 og er ein af sjö vatnsaflsstöðvunum okkar á Þjórsársvæðinu. Hún stendur í nálægð við Hjálparfoss og Bjarnalón.

Búrfellsstöð II var gangsett 2. júlí 2018 og er ein af sjö vatnsaflsstöðvunum okkar á Þjórsársvæðinu. Hún er staðsett 300 metra inn í Sámsstaðaklifi.

Fljótsdalsstöð var gangsett 30. nóvember 2007 og er staðsett neðanjarðar, inni í Valþjófsstaðarfjalli.

Gufustöðin var gangsett 5. mars 1969 og er í Bjarnarflagi í Mývatnssveit.

Hafið var gangsett 14. febrúar 2013 og er staðsett norðan við Búrfell.

Hrauneyjafossstöð var gangsett 21. október 1981 og er ein af sjö vatnsaflsstöðvunum okkar á Þjórsársvæðinu. Hún stendur við Sprengisandsleið í jaðri hálendis.

Írafossstöð var gangsett 16. október 1953 og er staðsett í Soginu sem fellur úr Þingvallavatni.

Kröflustöð var gangsett 21. febrúar 1978 og er á Norðausturlandi, í nágrenni við Mývatn.

Laxárstöð II var gangsett 10. október 1953 og er staðsett í Laxárdal.

Laxárstöð III var gangsett í október 1973 og er staðsett í Laxárdal. 

Ljósafossstöð var gangsett 1937 og er staðsett við Ljósafoss, útfall Úlfljótsvatns.

Sigöldustöð var gangsett 13. desember 1978 og er ein af sjö vatnsaflsstöðvunum okkar á Þjórsársvæðinu. Hún er staðsett sunnan við Þórisvatn.

Steingrímsstöð var gangsett 6. ágúst 1959 og er staðsett við Úlfljótsvatn.

Sultartangastöð var gangsett í nóvember 1999 og er ein af sjö vatnsaflsstöðvunum okkar á Þjórsársvæðinu. Hún er staðsett norðaustan við Búrfellsstöð, við Þjórsárdalsveg.

Vatnsfellsstöð var gangsett 9. nóvember 2001 og er ein af sjö vatnsaflsstöðvunum okkar á Þjórsársvæðinu. Hún er staðsett við Vatnsfellslón.

Þeistareykjastöð var gangsett 17. nóvember 2017 og er á Norðausturlandi, um það bil miðja vegu á milli Kröflustöðvar og Húsavíkur.

Fyrirtækið

Orka

Umhverfi

Samfélag

Viðskipti

Fjármál

Fjölmiðlatorg

Aflstöðvar

Birta

Tegund

Raða eftir