Stjórn

Stjórn Landsvirkjunar er samkvæmt lögum um Landsvirkjun skipuð af fjármálaráðherra á aðalfundi fyrirtækisins sem haldinn skal fyrir lok aprílmánaðar ár hvert. Hún ber ábyrgð á fjármálum og rekstri fyrirtækisins.

Stjórn Landsvirkjunar ræður forstjóra sem veitir fyrirtækinu forstöðu. Forstjóri er Hörður Arnarson. Stjórn og forstjóri fara með stjórn fyrirtækisins. Stjórn setur sér starfsreglur í samræmi við sjöttu grein laga um Landsvirkjun.

Núverandi stjórn var skipuð á aðalfundi fyrirtækisins þann 30. apríl 2024.

  • Formaður stjórnar

    Jón Björn Hákonarson

    Jón Björn er fæddur 1973 og býr á Norðfirði í Fjarðabyggð. Hann var fyrst skipaður í stjórn árið 2014 og var varaformaður Landsvirkjunar í fimm ár á tímabilinu 2014-24. Hann er oddviti Framsóknarflokksins í bæjarstjórn Fjarðabyggðar og er forseti hennar. Jón Björn hefur einnig gegnt embættum bæjarfulltrúa, varaformanns bæjarráðs og bæjarstjóra í störfum sínum fyrir bæinn síðan 2010.

  • Varaformaður

    Gunnar Tryggvason

    Gunnar er fæddur 1969 og býr í Reykjavík. Hann var skipaður í stjórn Landsvirkjunar 2018. Gunnar er verkfræðingur, B.Sc. í rafmagnsverkfræði og M.Sc. í raforkuverkfræði. Hann er hafnarstjóri hjá Faxaflóahöfnum. Áður starfaði hann sem Senior Manager hjá KPMG á árunum 2009-18. Þar áður starfaði Gunnar í fyrirtækjaráðgjöf Landsbankans og sem fjármálastjóri Enex hf.

  • Stjórnarmaður

    Álfheiður Ingadóttir

    Álfheiður er fædd árið 1951 og er til heimilis í Reykjavík. Hún var skipuð í stjórn Landsvirkjunar 2014, en sat áður í stjórn fyrir hönd Reykjavíkurborgar árin 2003-6. Álfheiður er líffræðingur og situr í varastjórn Vinstrihreyfingarinnar – græns framboðs. Hún var alþingismaður fyrir VG 2007-13, heilbrigðisráðherra 2009-10 og formaður þingflokks VG 2012-13.

  • Stjórnarmaður

    Halldór Karl Högnason

    Halldór Karl er fæddur 1974 og býr í Reykjavík. Hann var skipaður í stjórn Landsvirkjunar árið 2024. Halldór Karl er með Cand. Scient. gráðu í rafmagnsverkfræði frá Háskóla Íslands og M.Sc. gráðu í fjármálastærðfræði frá Bayes Business School, City University. Hann starfaði sem verkfræðingur hjá Íslandssíma hf. (síðar Og Vodafone hf.) árin 1999-2004 og sem sérfræðingur í afleiðudeild Kaupþings banka hf. 2005-2009. Frá 2010 hefur hann starfað hjá Kviku banka hf., fyrst í eigin viðskiptum og síðar sem forstöðumaður fjárstýringar frá 2012.

  • Stjórnarmaður

    Soffía Björk Guðmundsdóttir

    Soffía Björk er fædd árið 1962 og býr í Reykjavík. Hún var skipuð í stjórn 2022. Soffía er viðskiptafræðingur og er með B.Sc. í efnafræði, M.Sc. í umhverfisverkfræði og MBA frá háskólanum í Oxford. Hún starfar sem framkvæmdastjóri PAME, alþjóðaskrifstofu á vegum Norðurskautsráðsins. Einnig er hún stundakennari í heimskautarétti við lagadeild Háskólans á Akureyri.

Varamenn í stjórn

  • Lilja Einarsdóttir
  • Ragnar Óskarsson
  • Sigurjón Þórðarson
  • Albertína Friðbjörg Elíasdóttir