Komdu í heimsókn
Við bjóðum upp á áhugaverða heimsóknarmöguleika - stórskemmtilega orkusýningu í Ljósafossstöð, gestastofu í Kröflu sem veitir innsýn í vinnslu jarðvarma á Íslandi og leiðsögn um mikilfengleg mannvirki við Kárahnjúka.
![](https://images.prismic.io/landsvirkjun-vefur/594d78cd-abd8-4bab-99fd-0c1b6213ac96_ljosafossstod_44-2100x1400-f06c1459-fce4-4562-ba3f-067a20ad337f+%281%29.jpg?auto=format%2Ccompress&rect=0%2C0%2C2100%2C1400&w=2000&h=1080&fit=crop&crop=faces%2Cedges)
Orkusýning í Ljósafossstöð
Á gagnvirkri orkusýningu Landsvirkjunar í Ljósafossstöð geta gestir á öllum aldri skyggnst inn í undraverðan heim raforkunnar og leyst orku úr læðingi með eigin þyngd, styrk og afli.
Fjölbreytt og fræðandi sýningaratriði veita orkuboltum á öllum aldri tækifæri til að safna saman rafeindum, dæla úr lónum, fanga vindinn og lýsa upp heiminn á 120 árum.
![](https://images.prismic.io/landsvirkjun-vefur/ZkSDPiol0Zci9J07_landsvirkjun_ljosafossvirkjun_d-3-002-.jpg?auto=format%2Ccompress&rect=0%2C0%2C2401%2C2401&w=1400&h=1400)
![](https://images.prismic.io/landsvirkjun-vefur/ZkSDIyol0Zci9J04_landsvirkjun_ljosafossvirkjun_f-2-002-.jpg?auto=format%2Ccompress&rect=423%2C0%2C1801%2C2401&w=400&h=530&fit=crop&crop=faces%2Cedges)
Gestastofan í Kröflu
Gestastofan í Kröflu veitir gestum fræðandi innsýn í jarðfræði á svæðinu, hvernig vinna má raforku úr jarðvarma, sögu jarðvarmans á Íslandi og tækifærum sem tengjast honum.
Áhugaverð og fræðandi sýning sem veitir gestum innsýn inn í undraheim jarðvarmans.
![](https://images.prismic.io/landsvirkjun-vefur/65df0a889c42d04f7d968c70_landsvirkjun_krafla_syningarsalur_gestir-6-2100x1401-e995ecac-0183-48cb-a5b1-93d64cdec854.jpg?auto=format%2Ccompress&rect=614%2C0%2C1347%2C1401&w=1400&h=1040&fit=crop&crop=faces%2Cedges)
Leiðsögn um Kárahnjúka
Kárahnjúkavirkjun er stærsta vatnsaflsvirkjun landsins (690 MW). Stíflan við Hafrahvammagljúfur er hæsta grjótstífla í Evrópu og hægt að keyra og ganga yfir hana.
Landsvirkjun býður upp á leiðsögn við Kárahnjúka í samstarfi við Vatnajökulsþjóðgarð yfir sumartímann. Landverðir Vatnajökulsþjóðgarðs taka á móti gestum við bílastæðið við Kárahnjúkastíflu og bjóða upp á reglulega leiðsögn á hálftíma fresti (kynning á heilum og hálfum tíma) og segja gestum frá framkvæmdum og náttúrunni.
![](https://images.prismic.io/landsvirkjun-vefur/044aff24-d877-4bfd-8820-a150d51253d1_Large-Flj%C3%B3tdalsst%C3%B6%C3%B0+og+K%C3%A1rahnj%C3%BAkar.jpeg?auto=compress%2Cformat&rect=275%2C0%2C1038%2C1080&w=1400&h=1040&fit=crop&crop=faces%2Cedges)