Landsvirkjun er orkufyrirtæki í eigu íslensku þjóðarinnar. Við vinnum rafmagn úr endurnýjanlegum orkugjöfum; vatni, varma og vindi.
Við vinnum stærstan hluta allrar raforku á Íslandi, eða yfir 70%, og afhendum til iðnaðar, þjónustu og heimila. Um 85% orkunnar eru seld á stórnotendamarkaði, en 15% á heildsölumarkaði.
Kynntu þér starfsemi okkar
Framtíðarsýn okkar er sjálfbær heimur, knúinn endurnýjanlegri orku.
Hlutverk okkar er að hámarka verðmæti þeirra endurnýjanlegu orkulinda sem fyrirtækinu er trúað fyrir, með sjálfbærni og hagkvæmni að leiðarljósi.
Við leikum lykilhlutverk í orkuskiptum á Íslandi og leggjum okkar af mörkum fyrir kolefnishlutlausan heim. Við hugum að grænni framtíð með nýsköpun og þróum ný tækifæri.
Við starfrækjum fjórtán vatnsaflstöðvar, þrjár jarðvarmastöðvar og tvær vindmyllur á fimm starfssvæðum víðs vegar um landið. Við rekstur aflstöðva leggjum við áherslu á ráðdeild, áreiðanleika og gott sambýli við umhverfi og samfélag.
Fastráðið starfsfólk er um 340 talsins, á starfsstöðvum víðs vegar um land. Við leggjum áherslu á að byggja upp metnaðarfullt starfsumhverfi sem nærir öfluga liðsheild, árangur og hvetjandi starfsanda – framsýnan vinnustað sem stuðlar að fjölbreytileika og mætir þörfum starfsfólks um sveigjanleika.
Mikið framkvæmdatímabil fer nú í hönd á Þjórsársvæðinu. Hafnar eru framkvæmdir við byggingu Hvammsvirkjunar og samhliða þeim munu rísa 28 vindmyllur við Vaðöldu. Þá er stækkun Sigöldu í bígerð og alls munu um 700 manns starfa við framkvæmdir Landsvirkjunar á svæðinu þegar fjölmennast verður.
Stjórn Landsvirkjunar er skipuð af fjármálaráðherra á aðalfundi fyrirtækisins. Hún ber ábyrgð á fjármálum og rekstri fyrirtækisins og ræður forstjóra. Hörður Arnarson hefur verið forstjóri Landsvirkjunar frá árinu 2010.
Hér fyrir neðan má sjá skipurit fyrirtækisins. Hægt er að smella á heiti til að sjá frekari upplýsingar um stjórn, forstjóra og svið.
Árið 2024
Árið 2024
Árið 2023
Árin 2021-23
Árið 2024
Árið 2024
Á hverju ári gefum við út ársskýrslu.
Ársskýrslurnar okkar eru yfirgripsmiklar og fullar af fróðleik um fyrirtækið; orkuvinnsluna, afkomuna, raforkumarkaðinn, loftslags- og umhverfismál, vinnustaðinn, stefnuna, samskipti við samfélagið og miðlun og fræðslu, svo fátt eitt sé nefnt.
Við leitumst við að miðla fjölbreyttu, fróðlegu og skemmtilegu efni á samfélagsmiðlum okkar.
Þú getur fylgt okkur á eftirfarandi miðlum: