Verkís verður ráðgjafi fyrir Búrfellslund

Við undirrituðum á dögunum samning við verkfræðistofuna Verkís um ráðgjafarþjónustu fyrir Búrfellslund, vindorkuverið sem mun rísa við Vaðöldu í Rangárþingi ytra. Verkís varð hlutskarpast í útboði sem fór fram í febrúar og höfum við því tekið tilboði fyrirtækisins, sem það gerði í samvinnu við Rambøll í Danmörku.

Verkefnið felst í ráðgjafarþjónustu við byggingar og jarðvinnu við vindorkuverið, en ráðgert er að reisa 27-30 vindmyllur, samtals 120 MW að afli, sem vinni um 440 GWst á ári.