Þriðja stöðin á Sogssvæðinu
Steingrímsstöð er yngst Sogsstöðvanna þriggja. Í stöðinni er virkjað fall Efra-Sogs úr Þingvallavatni í Úlfljótsvatn. Miðlunarstífla var gerð við útrennsli Þingvallavatns. Aðrennslisgöng liggja þar úr vatninu í gegnum Dráttarhlíð, sem aðskilur Þingvallavatn og Úlfljótsvatn, að stöðvarhúsinu. Rennsli frá Þingvallavatni er að jafnaði um 100 rúmmetrar á sekúndu.
Rekstur stöðvarinnar hófst árið 1959 og er afl hennar 26 megavött. Orkuvinnslugeta Steingrímsstöðvar er 160 gígavattstundir á ári.
