Blanda af há- og lágþrýstingsgufu
![](https://images.prismic.io/landsvirkjun-vefur/ZnqLO5bWFbowe1Hc_francis_hreyflar.avif?auto=format%2Ccompress&rect=0%2C0%2C2000%2C2000&w=530&h=530)
Íslenska ríkið hóf framkvæmdir við byggingu Kröflustöðvar árið 1974 með tilraunaborunum en borun vinnsluhola og bygging stöðvarinnar hófust sumarið 1975. Kröflustöð hóf raforkuframleiðslu árið 1978 og fóru í upphafi aðeins 7 MW út á dreifikerfi Landsnets. Allt frá árinu 1999 hefur Kröflustöð starfað með tveimur vélasamstæðum og fullu 60 MW afli en orkuvinnslugeta Kröflustöðvar er um 500 GWst á ári.
Landsvirkjun tók við reksti Kröflustöðvar í ársbyrjun 1986 og hefur rekið hana síðan. Tímamót urðu í rekstri Kröflusvæðisins á árinu 2002 þegar niðurdæling á affallsvatni hófst. Með niðurdælingu affallsvatns niður í jarðhitageyminn er stuðlað að endurnýjanleika jarðhitakerfisins.
![Landsvirkjun tók við reksti Kröflustöðvar árið 1986.](https://images.prismic.io/landsvirkjun-vefur/a82e8c05-1de9-4516-9b6b-2a7612b0c924_Landsvirkjun_Krafla-120-2100x1400-1ddacb56-b71b-43bd-a87f-af3858b8d5fd+%281%29.jpg?auto=format%2Ccompress&w=2100&h=1400)