Burfell-Lottie.json

Búrfellsstöð er fyrsta aflstöðin sem Landsvirkjun reisti frá grunni. Við stofnun fyrirtækisins árið 1965 var ákveðið að ráðast í byggingu hennar og árið 1969 byrjaði hún að vinna rafmagn. Á framhlið stöðvarhússins er stór lágmynd eftir Sigurjón Ólafsson og fyrir framan það er einnig verkið Hávaðatröllið eftir hann. 

Norðan og ofan Búrfells er Bjarnalón, uppistöðulón stöðvarinnar. Vatnið rennur úr lóninu niður 1,5 kílómetra löng aðrennslisgöng inn í hverfla stöðvarinnar og er fallhæðin 115 metrar. Hverflarnir eru sex talsins og 45 megavött hver og er afl stöðvarinnar því alls 270 megavött. Orkuvinnslugeta stöðvarinnar er 1.885 gígavattsstundir á ári. 

Frá hverflum í stöðvarhúsi fer vatnið um sográsir út í stuttan skurð og þaðan í Fossá sem rennur í Þjórsá tveimur kílómetrum neðar. Búrfellsstöð var stærsta aflstöð landsins þar til Fljótsdalsstöð var vígð árið 2007.  

Fyrsta aflstöðin sem við reistum frá grunni

Á vatnasviði Þjórsár og Tungnaár eru sjö vatnsaflsstöðvar Búðarhálsstöð, Búrfellsstöð, Búrfellsstöð II, Hrauneyjafossstöð, Sigöldustöð, Sultartangastöð og Vatnsfellsstöð. Þar er einnig vindmyllusvæði sem kallast Hafið. Samanlagt afl vatnsaflsstöðvanna er 1040 megavött. Vatni til miðlunar er safnað í uppistöðulónin Þórisvatn, Hágöngulón og Kvíslaveitu. Að auki eru minni miðlunarmannvirki við hverja stöð á svæðinu, svo sem Krókslón, Sultartangalón, Bjarnalón, Hrauneyjalón og Vatnsfellslón. 

Þórisvatn er stærsta stöðuvatn landsins, langstærsta miðlunin og mikilvægur hlekkur í veitukerfi Landsvirkjunar. Um Þórisvatn rennur allt vatn sem safnast saman í Kvíslarveitu og Hágöngumiðlun. 

Þórisvatnsmiðlun var byggð á árunum 1970-1972 í tengslum við virkjun Þjórsár við Búrfell. Áin Kaldakvísl var stífluð við Sauðafell og veitt um skurð inn í norðanvert Þórisvatn. Við útfall Þórisvatns norðanmegin er Þórisóssstífla sem veitir Köldukvísl inn í vatnið. 

Nýju útrennsli Þórisvatns var valinn staður við suðurenda vatnsins meðfram vesturhlíð Vatnsfells. Þar var grafinn veituskurður úr vatninu og steinsteypt lokuvirki byggt í skurðinum til að stjórna rennsli. Veitan er nefnd Vatnsfellsveita og um hana fer vatn úr Þórisvatni í gegnum Vatnsfellsvirkjun í Krókslón ofan Sigöldustöðvar og þaðan til annarra stöðva neðar á vatnasviðinu. 

Framkvæmdir við Kvíslaveitu hófust 1980 og var skipt í fimm áfanga sem lauk árið 1997. Kvíslaveita er samheiti á stíflum, skurðum, botnrásum og lokuvirkjum sem stjórna rennsli úr þverám og efsta hluta Þjórsár í Þórisvatnsmiðlun. Lónin í Kvíslaveitu eru fimm talsins, samtals um 28 km2 að stærð. 

Hágöngumiðlun var byggð 1997-1999 og er 37 km2 að stærð. Tilgangur hennar er að auka miðlun á vatnasviði Köldukvíslar. Á sumrin er vatni safnað í Hágöngulón og vegna þess rennur afar lítið vatn um Köldukvíslarfarveg að sumarlagi. 

Búrfell – heimildarmynd um fyrstu ár Landsvirkjunar og byggingu Búrfellsvirkjunar

Búrfellsstöð var gangsett 16. september 1969 og er ein af sjö vatnsaflsstöðvunum okkar á Þjórsársvæðinu. Hún stendur í nálægð við Hjálparfoss og Bjarnalón.

Harza Engineering Co Int., Bandaríkjunum

Guðmundur Kr. Kristinsson
Gunnlaugur Halldórsson

Garczynski & Traploir, Frakklandi 
Brown Boveri & Cie, Þýskalandi
Balfour, Beatty & Co., Bretlandi

Uppsett afl	270 MW
Orkuvinnslugeta	1885 GWh/ári
Vatnasvið virkjunar	6.400 km²
Meðalrennsli	340 m³/s
Virkjað rennsli	260 m³/s
Fallhæð	115 m

Lengd	1.564 m
Þvermál	10 m

Þvermál	10 m
Stífla yfir Þjórsá	370 m
Hönnun	Harza Engineering Co Int., Bandaríkjunum
Arkitektar stöðvarhúss	Guðmundur Kr. Kristinsson Gunnlaugur Halldórsson
Helsti byggingarverktaki	Fosskraft
Framleiðendur háspennulína	Garczynski & Traploir, Frakklandi Brown Boveri & Cie, Þýskalandi Balfour, Beatty & Co., Bretlandi
Framleiðendur hverfla og rafala	Toshiba, Japan Sulzer, Þýskalandi
Endurnýjun tengivirkis	Siemens, Þýskalandi

Flatarmál við fullt lón	1 km²
Miðlunarrými	5 Gl

Orka

Viðskipti

Fjármál

Umhverfi

Samfélag

Fyrirtækið

Fjölmiðlatorg

Ítarupplýsingar

Aðrar aflstöðvar

Búrfellsstöð II

Þeistareykjastöð

Búðarhálsstöð

Hafið

Fljótsdalsstöð

Vatnsfellsstöð

Sultartangastöð

Blöndustöð

Hrauneyjafossstöð

Veitumannvirki í Þjórsá
Lengd	370 m
Fjórar árlokur og tvær íslokur