Framkvæmdastjórn

Hörður Arnarson, forstjóri Landsvirkjunar, er með PhD í rafmagnsverkfræði frá DTU í Danmörku. Hörður lauk námi í rafmagnsverkfræði frá Háskóla Íslands árið 1986. Að því loknu stundaði hann framhaldsnám við DTU í Danmörku og lauk doktorsprófi árið 1990.

Hörður starfaði hjá Marel frá árinu 1985 og þar af sem forstjóri fyrirtækisins í tíu ár frá 1999 til 2009.

Frá maí til nóvember árið 2009 gegndi Hörður starfi forstjóra Sjóvár og leiddi endurskipulagningu félagsins.

Kristín Linda Árnadóttir, aðstoðar­forstjóri Landsvirkjunar, er með embætt­is­próf í lög­fræði frá Há­skóla Íslands, meist­aragráðu í um­hverf­is­­fræði og sjálfbærni (LUMES) frá Há­skól­an­um í Lundi í Svíþjóð og LL.M. meist­ara­gráðu í Evr­ópu­rétti við laga­deild Há­skól­ans í Lundi.

Kristín gegndi starfi forstjóra Umhverfisstofnunar á árunum 2008 til 2019 og starfaði áður hjá umhverfisráðuneytinu.

Gunnar Guðni Tómasson er með doktorsgráðu í straumfræði frá Massachusetts Institute of Technology (MIT). Gunnar Guðni var áður forstjóri HRV ehf. Þar áður starfaði hann sem forseti Tækni- og verkfræðideildar Háskólans í Reykjavík um fjögurra ára skeið.

Frá námslokum 1991 og þar til Gunnar Guðni tók við starfi við HR árið 2007 starfaði hann við fjölbreytt verkfræði- og stjórnunarstörf hjá verkfræðistofunum Vatnaskil og VST auk þess sem hann var dósent við Verkfræðideild Háskóla Íslands um nokkurra ára skeið.

Bjarni er með B.S. gráðu í véla- og iðnaðarverkfræði frá Háskóla Íslands, MSc gráðu í olíuverkfræði frá Heriot-Watt háskólanum í Edinborg í Skotlandi og doktorspróf í olíuverkfræði frá sama skóla.

Bjarni hefur starfað hjá Landsvirkjun frá ársbyrjun 2002. Hann gegndi síðast starfi forstöðumanns Þróunar jarðvarma og bar þar ábyrgð á stefnumótun, áætlanagerð og framkvæmd stórra verkefna, m.a. stækkun Þeistareykjavirkjunar. Hann hefur einnig verið í fararbroddi við innleiðingu vindorku sem þriðju stoðar Landsvirkjunar, ásamt því að stýra fjölda nýsköpunar- og þróunarverkefna á sviði endurnýjanlegrar orku. Bjarni hefur víðtæka reynslu af stjórnarsetu, bæði innanlands og á alþjóðavettvangi og er forseti Alþjóða jarðhitasamtakanna (IGA) 2024-2026.

Rafnar Lárusson er með MSc gráðu í fjármálum frá Boston College og MSc gráðu í stjórnun og stefnumótun frá Háskóla Íslands. Áður gegndi hann starfi forstöðumanns fjárstýringar hjá Actavis Group hf. þar sem hann bar ábyrgð á fjárstýringu samstæðunnar. Hann starfaði sem forstöðumaður fjárstýringar hjá Bakkavör Group hf. á árunum 2004-2007.

Rafnar var á árunum 1999-2004 sérfræðingur á fjármálasviði Haga hf., og Rio Tinto Alcan hf., auk þess sem hann var sérfræðingur á sviði markaðs­viðskipta hjá Kaupþingi banka hf.

Tinna Traustadóttir útskrifaðist frá Háskólanum í Reykjavík árið 2017 með meistaragráðu í stjórnun og viðskiptum (MBA) og er einnig með MSc. í lyfjafræði frá Háskóla Íslands.

Í tæplega 14 ár starfaði hún hjá Actavis og hlaut þar víðtæka reynslu af viðskiptaþróun og samningagerð í alþjóðlegu umhverfi. Á árunum 2005-2014 starfaði Tinna hjá Actavis í Bandaríkjunum, sem er stærsti lyfjamarkaður í heimi.

Ríkarður Ríkarðsson útskrifaðist með BSc. gráðu í rafmagns- og tölvuverkfræði frá University of Denver árið 2000 og MSc. gráðu í rafmagnsverkfræði frá Stanford University árið 2002. Þá lauk hann námi í stjórnunarfræðum við IMD Business School árið 2017.

Rík­arður hef­ur unnið hjá Lands­virkj­un frá ár­inu 2011. Hann gegndi stöðu for­stöðumanns viðskiptaþró­un­ar og sölu hjá fyr­ir­tæk­inu árin 2012-2017. Rík­arður var stjórn­endaráðgjafi hjá McKins­ey & Comp­any árin 2009-2011. Árin 2006-2009 starfaði Rík­arður sem for­stöðumaður og ráðgjafi hjá ís­lensk­um fjár­mála­fyr­ir­tækj­um og 2002-2006 fyr­ir banda­rískt há­tæknifyr­ir­tæki í Kís­il­dal og stýrði evr­ópskri viðskiptaþróun þess í London.

Ásbjörg Kristinsdóttir er með doktorsgráðu í verkfræði frá Massachusetts Institute of Technology (MIT) ásamt MBA í stjórnun frá MIT Sloan School of Management.

Ásbjörg hefur starfað hjá Landsvirkjun með hléum frá árinu 2002. Hún stýrði byggingu Búrfellsstöðvar II, fyrst kvenna á Íslandi til að stýra slíku verkefni. Samhliða hefur hún komið að kennslu á háskólastigi á sviði verkefnastýringar, áhættustýringar og virkjanaframkvæmda.

Jóna Bjarnadóttir hóf störf hjá Landsvirkjun árið 2014. Hún veitti deild umhverfis og auðlinda forstöðu frá árinu 2017 en tók við nýju sviði samfélags og umhverfis árið 2021. Hún er með meistaragráðu í umhverfisstjórnun og stefnumótun frá háskólanum í Lundi. Jóna hefur mikla reynslu af umhverfismálum og samvinnu við hagaðila.

Áður starfaði Jóna sem ráðgjafi lengst af hjá Mannviti þar sem hún var einnig umsjónarmaður umhverfisstjórnunarkerfis.