Beint í efni

Störf í boði

Hér getur þú sótt um starf hjá Landsvirkjun eða sent inn almenna umsókn.

Við leggjum áherslu á að byggja upp metnaðarfullt starfsumhverfi sem nærir öfluga liðsheild, árangur og hvetjandi starfsanda.

Mannauðurinn gegnir lykilhlutverki í vegferð okkar í orku- og loftslagsmálum og við vinnum eftir öflugri mannauðs- og jafnréttisstefnu.

Lausar stöður

  • Við leitum að öflugum og jákvæðum mannauðsstjóra til að leiða okkur til framtíðar þar sem starfsánægja og árangur haldast áfram í hendur. Mannauðsstjóri Landsvirkjunar leiðir öflugt teymi á skrifstofu forstjóra og heyrir undir aðstoðarforstjóra.

    Helstu verkefni og ábyrgð:

    • móta og innleiða mannauðs- og jafnréttisstefnu í samræmi við heildarstefnu Landsvirkjunar
    • stuðla að jákvæðri, heilbrigðri og árangursdrifinni fyrirtækjamenningu
    • veita faglegan stuðning við stjórnendur og þróun liðsheildar
    • hafa umsjón með ráðningum, starfsþróun, fræðslu, starfsmannasamtölum og vinnustaðagreiningum
    • tryggja faglega launavinnslu, launagreiningar og viðhald jafnlaunakerfis
    • hafa yfirsýn yfir starfsumhverfi og vinnuaðstöðu með áherslu á heilsu, öryggi og aðbúnað
    • byggja undir vellíðan, farsæld og sveigjanleika innan fyrirtækisins

    Hæfni, menntun og reynsla:

    • háskólamenntun sem nýtist í starfi t.d. á sviði mannauðsstjórnunar, sálfræði, lögfræði eða félagsvísinda
    • stjórnunarreynsla af því að leiða mannauðsmál og teymi mannauðssérfræðinga
    • góð samskiptafærni, hæfni til að stuðla að samvinnu og byggja traust
    • drifkraftur í starfi, áræðni og metnaður til að leiða fólk áfram til árangurs
    • sterk greiningarhæfni, frumkvæði og lausnamiðuð nálgun

    Sótt er um starfið hjá Hagvangi.

    • Umsóknarfrestur frá: 11.04.2025
    • Umsóknarfrestur til: 30.04.2025
    • Hafa samband: Geirlaug Jóhannsdóttir: geirlaug@hagvangur.is
    Sækja um

Almenn umsókn

  • Landsvirkjun leggur áherslu á að vera í fararbroddi sem vinnustaður fyrir framúrskarandi starfsfólk. Hjá fyrirtækinu starfar traustur hópur starfsfólks með býr yfir fjölbreyttri reynslu og þekkingu.

    Viljir þú slást í hóp starfsfólks Landsvirkjunar getur þú hér sett inn almenna umsókn um starf hjá Landsvirkjun.

    Athugið að almenn umsókn kemur ekki í stað umsóknar um auglýst störf. Við hvetjum þig til að fylgjast áfram með auglýstum störfum og sækja um ef þú uppfyllir skilyrði um menntun og hæfni.

    Sækja um

Persónuverndar­stefna

Lesa persónuverndarstefnu fyrir umsækjendur

Landsvirkjun er umhugað um öryggi persónuupplýsinga sem unnið er með innan fyrirtækisins.

Þess vegna höfum sett okkur sérstaka persónuverndarstefnu fyrir umsækjendur um störf.

Hún segir meðal annars til um hvaða persónuupplýsingum við söfnum, hvers vegna, hversu lengi upplýsingarnar eru varðveittar, hvert þeim kann að vera miðlað og hvernig við tryggjum öryggi þeirra.