Ársfundur Landsvirkjunar árið 2025 verður í Silfurbergi í Hörpu þriðjudaginn 4. mars kl. 14. Yfirskrift fundarins er Sterk framtíð á stoðum fortíðar.
Vegna takmarkaðs sætaframboðs í Hörpu er nauðsynlegt að skrá mætingu í formið hér fyrir neðan. Ekki þarf að skrá þátttöku til að horfa á opið streymi á vef og samfélagsmiðlum.
Á 60 ára afmælisári orkufyrirtækis þjóðarinnar fjallar ársfundurinn bæði um þá miklu reynslu sem við höfum öðlast í orkuvinnslu úr endurnýjanlegum auðlindum en jafnframt um framtíðarsýn okkar og mat á því hvað gera þarf til að tryggja orkuskipti og áframhaldandi velsæld í orkumálum.
Ársfundurinn fer fram í Silfurbergi í Hörpu. Húsið verður opnað kl. 13:30 og boðið upp á léttar veitingar. Fundurinn hefst stundvíslega kl. 14:00 og stendur til kl. 15:30.
Fundarstjóri er Þóra Arnórsdóttir, forstöðumaður samskipta hjá Landsvirkjun.