Haustfundur 2024

Á haustfundinum var meðal annars farið yfir þær umfangsmiklu framkvæmdir sem eru að hefjast á Þjórsársvæði með Hvammsvirkjun, Búrfellslundi og stækkun Sigöldustöðvar. Hvað verður gert hvenær og í hvaða röð?

Jafnframt var fjallað um áhrif á nærsamfélög virkjana, samspil við ferðaþjónustu og ýmislegt fleira.

• Góður granni, gulli betri
  Jóna Bjarnadóttir, framkvæmdastjóri Samfélags og umhverfis ræddi um margvíslegan ávinning af starfsemi Landsvirkjunar í nærsamfélagi.

• Ferðaþjónusta og orkuvinnsla
  Guðmundur Finnbogason, verkefnisstjóri hjá Nærsamfélagi og náttúru fjallaði um samspil ferðaþjónustu og orkuvinnslu.

• Sófaspjall
  Jóna Bjarnadóttir, Guðmundur Finnbogason og Sveinn Aðalsteinsson, framkvæmdastjóri Orkídeu spjölluðu við Dóru Björk Þrándardóttur, nýsköpunarstjóra hjá Landsvirkjun.

• Ávarp ráðherra
  Sigurður Ingi Jóhannsson, fjármála- og efnahagsráðherra ávarpaði fundinn.

• Látum verkin tala
  Ásbjörg Kristinsdóttir, framkvæmdastjóri Framkvæmda, fór yfir aðdraganda, umfang og skipulag þeirra viðamiklu framkvæmda sem fram undan eru næstu árin á Þjórsársvæði.

• Sófaspjall
  Ásbjörg Kristinsdóttir, framkvæmdastjóri Framkvæmda, Hörður Arnarson, forstjóri Landsvirkjunar, Sigurður Ingi Jóhannsson, fjármála- og efnahagsráðherra og Eggert Valur Guðmundsson, oddviti Rangárþings ytra sátu fyrir svörum hjá Vordísi Eiríksdóttur, forstöðumanni reksturs og auðlinda.

Fundarstjóri var Úlfar Linnet, forstöðumaður Orkumiðlunar hjá Landsvirkjun.