Hvar verður fundað?
Kynningarfundirnir verða haldnir miðvikudaginn 29. janúar í:
- Árnesi – kl. 10:30-11:30
- Stracta hóteli á Hellu – kl. 13-14
Gisting fyrir Landsvirkjun á Suðurlandi
Landsvirkjun þarf að útvega starfsfólki sínu og verktökum gistingu á næstu misserum og árum, í tengslum við miklar framkvæmdir á starfssvæði okkar við Búrfell. Þess vegna auglýsum við nú útboð á gistiþjónustu og boðum til kynningarfunda.
Nánar um útboðið
Æskilegt er að gistingin sé ekki í meira en 1-1 ½ klst. akstursfjarlægð frá verkstað. Viðmiðunarsvæði er því svæðið frá Þorlákshöfn í vestri, Landeyjasveit í austri og Gullfossi í norðri. Þetta útilokar þó ekki þátttöku aðila utan þess svæðis.
Áætlað svæði
Rammasamningur verður gerður við alla hæfa aðila og innkaup gerð með beinum hætti eða örútboðum á samningstíma.
Á kynningarfundum verður farið yfir:
- tilgang útboðs
- hvernig nálgast skal útboðsgögn
- hvernig skila ber tilboði
- tímafresti
- samningsskilmála
- fyrirspurnir
Útboðsgögn má nálgast á utbod.landsvirkjun.is
Hægt er að fá nánari upplýsingar með því að senda tölvupóst á innkaup@landsvirkjun.is.