Stefnan okkar
Framtíðarsýn okkar er sjálfbær heimur, knúinn endurnýjanlegri orku.
Hlutverk okkar er að hámarka verðmæti þeirra endurnýjanlegu orkulinda sem fyrirtækinu er trúað fyrir, með sjálfbærni og hagkvæmni að leiðarljósi.
Fyrirmynd í auðlindanýtingu og orkuvinnslu
Við nýtum vatnsafl og jarðvarma með sjálfbærni, hagkvæmni og öryggi í fyrirrúmi.
Við stígum næstu skref í beislun vindorku á sama hátt.
Framsækinn og eftirsóttur vinnustaður
Við stöndum vörð um vellíðan starfsfólks, þekkingu þess og jafnrétti.
Við eflum liðsheild, starfsánægju og skemmtilega menningu.
Forysta í loftslags- og umhverfismálum
Við berum virðingu fyrir náttúrunni.
Við leikum lykilhlutverk í orkuskiptum á Íslandi og leggjum okkar af mörkum fyrir kolefnishlutlausan heim.
Fyrirmynd í opnum samskiptum og samvinnu
Við eigum í góðum og virkum samskiptum við alla sem starfsemi okkar snertir.
Við erum góður granni og sækjumst eftir samstarfi í nærsamfélaginu.
Fjölbreytt viðskipti og framúrskarandi þjónusta
Við vinnum náið með viðskiptavinum okkar að aukinni verðmætasköpun.
Við hugum að grænni framtíð með nýsköpun og þróum ný tækifæri.
Innri stefnur vísa veginn
Auk stefnunnar okkar hér fyrir ofan hefur stjórn fyrirtækisins samþykkt fjöldann allan af innri stefnum sem vísa veginn í þeim fjölbreyttu viðfangsefnum sem starfsfólk Landsvirkjunar fæst við.
Einnig erum við með siðareglur fyrir starfsfólk okkar og birgja og einnig starfsreglur fyrir stjórn Landsvirkjunar og ýmsar mikilvægar nefndir.
