Orkurannsóknasjóður

Tilgangur sjóðsins er að efla rannsóknir á sviði umhverfis- og orkumála og er markmið hans að veita styrki til rannsóknaverkefna á vegum háskóla, stofnana, fyrirtækja og einstaklinga. Styrkveitingar sjóðsins miða að því að gera fjárframlög Landsvirkjunar til rannsókna skilvirkari og sýnilegri, og tryggja að þær rannsóknir sem sjóðurinn styrkir samrýmist loftslags- og umhverfisstefnu Landsvirkjunar.

Eingöngu er auglýst eftir umsóknum um verkefnastyrki í flokki B, sbr. úthlutunarreglur sjóðsins. Nemendur í meistara- eða doktorsnámi eiga þess kost að sækja um verkefnisstyrk ásamt leiðbeinanda. Styrkir nema að jafnaði ekki meiru en helmingi útlagðs kostnaðar og eru þá veittir til þess hluta kostnaðar sem hlýst af vinnu sérfræðinga, þátttöku meistara- og doktorsnema, og öðrum útgjöldum.

Í þessari úthlutun eru til ráðstöfunar um 70 m.kr til rannsóknaverkefna á sviði umhverfis- og orkumála. Umsækjendur þurfa að leggja fram lýsingu á rannsóknarverkefni sínu, og rökstuðning fyrir því að verkefnið tengist markmiðum sjóðsins.

Umsóknarfrestur er út mánudag 13. janúar 2025. Öllum umsóknum verður svarað og farið með þær sem trúnaðarmál.

Fyrirspurnir má senda á orkurannsoknasjodur@landsvirkjun.is.