Framkvæmdir og lokanir
Landsvirkjun mun í sumar standa fyrir framkvæmdum í Fremri Kárahnjúk. Þær hefjast föstudaginn 23. júní og áætluð verklok eru sunnudaginn 10. september.
Verkið felur í sér að endurnýja hrunvarnagirðingu sem stendur ofan við veginn í Fremri Kárahnjúk.
Afhverju verður lokað?
Á verktímanum mun verða nauðsynlegt að loka veginum vegna hættu á grjóthruni og einnig vegna þess að stór krani mun þurfa að standa á veginum.
Meginþungi nauðsynlegra lokana verður í fyrstu og síðustu viku framkvæmdanna en að auki mun verða nauðsynlegt að loka eitthvað á öðrum tímum framkvæmdarinnar.
Allan framkvæmdatímann þurfa vegfarendur að sýna aðgát og fara varlega í gegnum framkvæmdasvæðið og verður því stýrt með umferðarljósum. Ekki er þó búist við miklum umferðartöfum.
Hvar verður lokað?
Veginum verður lokað annars vegar við inntakið á milli Desjarárstíflu og Kárahnjúkastíflu og hins vegar við norðurenda Kárahnjúkastíflu, ekki er hjáleið á leiðinni á þessum tíma.
Hvenær verður lokað?
Reynt verður að stilla lokunum í hóf en öryggi starfsfólks og vegfarenda verður haft í forgangi.
Miðað er við að hafa lokað frá kl. 7 til 19 þá daga sem loka þarf en hafa opnanir til að hleypa umferð í gegn á tímunum:
- Kl. 10 – 10.15
- Kl. 13 – 13.15
- Kl. 16 – 16.15